Алексіс Опсакапалос – творчы псеўданім разнапланавага пісьменніка-фантаста. Аўтар – вопытны сцэнарыст, таму ўсім яго кнігам уласціва пэўная кінематаграфічнасць. У актыве пісьменніка папулярныя серыі ў жанрах ЛітрПГ, гарадскога фэнтэзі, касмічнай фантастыкі.
«Ліцэнзія на забойства» — раман у двух тамах. Прапануем азнаёміцца ў аўдыёфармаце з першым з іх.
Аляксей Кавалёў — адстаўны касмічны спецназавец і былы камандзір штурмавага атрада. Жыццё склалася так, што зараз ён працуе… стэндап-комікам. А яго партнёр па сцэне – сябар і целаахоўнік Жаб, якому, з прычыны прыналежнасці да расы амфібосаў, увогуле незнаёмы гумар.
Аднойчы герою прапануюць прыстойны ганарар за выступ на планеце, дзе ў яго былі некалі сур’ёзныя непрыемнасці. Шостае пачуццё падказвае Аляксею, што ляцець туды не трэба, але абяцаныя вялікія грошы, здольныя вырашыць яго фінансавыя праблемы, падахвочваюць прыняць прапанову. І дарма: прадчуванням варта давяраць…
Аўтар вокладкі — Сяргей Калеснікаў
Музыка – artlist.io Ліцэнзія 76955
© Алексіс Опсакапалос
©&℗ ТАА «1С-Паблішынг»
